Kruisverwysings → Genesis 6:8

Maar Noag het genade gevind in die oë van die HERE.

Noag het genade gevind in die oë van die HERE

Genesis 19:19
Kyk tog, u kneg het genade in u oë gevind, en U het u guns groot gemaak wat U aan my bewys het deur my in die lewe te behou. Maar ek is nie in staat om na die gebergte te vlug sonder dat die onheil my inhaal en ek sterwe nie.
Eksodus 33:12-17
Toe het Moses met die HERE gespreek: U sê nou wel aan my: Ek moet hierdie volk laat optrek, maar Ú laat my nie weet wie U saam met my sal stuur nie, hoewel U gesê het: Ek ken jou by die naam, en jy het ook genade in my oë gevind. As ek dan nou genade in u oë gevind het, maak my dan tog u weë bekend, dat ek U kan ken; sodat ek genade in u oë kan vind. En bedink tog dat hierdie nasie u volk is. En Hy antwoord: Moet Ek self meegaan om jou die rusplek te verskaf? Toe sê hy vir Hom: As U nie self meegaan nie, laat ons dan nie hiervandaan optrek nie. Want waaraan sou dan bekend word dat ek genade in u oë gevind het, ek en u volk? Is dit nie daaraan dat U met ons saamtrek nie? So sal ons, ek en u volk, onderskeie wees van elke volk wat op die aarde is. Toe sê die HERE aan Moses: Ook hierdie versoek wat jy uitgespreek het, daaraan sal Ek voldoen; want jy het genade gevind in my oë, en Ek ken jou by die naam.
Psalms 84:12
Want die HERE God is ’n son en skild; die HERE sal genade en eer gee; Hy sal die goeie nie onthou aan die wat in opregtheid wandel nie.
Psalms 145:20
Sjin. Die HERE bewaar almal wat Hom liefhet, maar Hy verdelg al die goddelose.
Spreuke 3:4
dan sal jy genade vind en ’n goeie insig in die oë van God en die mense.
Spreuke 8:35
Want hy wat my vind, het die lewe gevind en verkry ’n welbehae van die HERE.
Spreuke 12:2
Die goeie verkry ’n welbehae van die HERE, maar Hy veroordeel ’n slinkse man.
Jeremia 31:2
So sê die HERE: Die volk van diegene wat van die swaard vrygeraak het, het genade gevind in die woestyn, op weg om sy rus te geniet, naamlik Israel.
Lukas 1:30
En die engel sê vir haar: Moenie vrees nie, Maria, want jy het genade by God gevind.
Handelinge 7:46
wat genade gevind het voor God en gevra het om ’n woonplek vir die God van Jakob te verkry.
Romeine 4:4
Maar aan hom wat werk, word die loon nie na guns toegereken nie, maar na verdienste;
Romeine 11:6
En as dit deur genade is, dan is dit nie meer uit die werke nie; anders is die genade geen genade meer nie. En as dit uit die werke is, dan is dit nie meer genade nie; anders is die werk geen werk meer nie.
1 Korinthiërs 15:10
Maar deur die genade van God is ek wat ek is, en sy genade aan my was nie tevergeefs nie; maar ek het oorvloediger gearbei as hulle almal; nogtans nie ek nie, maar die genade van God wat met my is.
Galásiërs 1:15
Maar toe dit God behaag het, wat my afgesonder het van die skoot van my moeder af en deur sy genade geroep het,
2 Timótheüs 1:18
Mag die Here hom skenk dat hy barmhartigheid mag verkry van die Here in dié dag! En jy weet baie goed hoeveel dienste hy in Éfese bewys het.
Titus 2:11
WANT die reddende genade van God het aan alle mense verskyn
Titus 3:7
sodat ons, geregverdig deur sy genade, erfgename kan word ooreenkomstig die hoop van die ewige lewe.
Hebreërs 4:16
Laat ons dan met vrymoedigheid na die troon van die genade gaan, sodat ons barmhartigheid kan verkry en genade vind om op die regte tyd gehelp te word.
2 Petrus 2:5
en die ou wêreld nie gespaar het nie, maar Noag, die prediker van geregtigheid, met sewe ander bewaar het toe Hy die sondvloed oor die wêreld van goddelose mense gebring het;