Kruisverwysings Genesis 6:5

¹³En die manne van Sodom was sleg en groot sondaars voor die HERE.

²⁰Verder het die HERE gesê: Die geroep oor Sodom en Gomorra is waarlik groot, en hulle sonde is waarlik baie swaar. ²¹Ek wil neerdaal en sien of hulle werklik gehandel het soos die geroep oor hulle is wat by My gekom het; en so nie, Ek wil dit weet.

¹VIR die musiekleier. ’n Psalm van Dawid. Die dwaas sê in sy hart: Daar is geen God nie. Sleg, afskuwelik maak hulle hul dade; daar is niemand wat goed doen nie. ²Die HERE het uit die hemel neergesien op die mensekinders, om te sien of daar iemand verstandig is, wat na God vra. ³Hulle het almal afgewyk, tesame het hulle ontaard; daar is niemand wat goed doen, ook nie een nie. ⁴Het al die werkers van ongeregtigheid dan geen kennis nie, die wat my volk opeet asof hulle brood eet? Hulle roep die HERE nie aan nie. … (+1)Wys minder

³God het uit die hemel neergesien op die mensekinders om te sien of daar iemand verstandig is, wat na God vra.

²⁸En omdat hulle dit nie die moeite werd geag het om God in erkentenis te hou nie, het God hulle oorgegee aan ’n slegte gesindheid, om te doen wat nie betaam nie: ²⁹hulle is vervul met allerhande ongeregtigheid, hoerery, boosheid, hebsug, ondeug; vol nydigheid, moord, twis, bedrog, kwaadaardigheid; ³⁰nuusdraers, kwaadsprekers, haters van God, geweldenaars, trotsaards, grootpraters, uitvinders van slegte dinge, ongehoorsaam aan die ouers; ³¹onverstandig, ontrou, sonder natuurlike liefde, onversoenlik, onbarmhartig, … (+1)Wys minder

⁹WAT dan? Het ons enige voorrang? Hoegenaamd nie! Want ons het tevore al Jode sowel as Grieke beskuldig dat hulle almal onder die sonde is, ¹⁰soos geskrywe is: Daar is niemand regverdig nie, selfs nie een nie. ¹¹Daar is niemand wat verstandig is nie, daar is niemand wat God soek nie. ¹²Hulle het almal afgewyk, saam het hulle ontaard. Daar is niemand wat goed doen nie, daar is selfs nie een nie. ¹³Hul keel is ’n oop graf, met hul tonge pleeg hulle bedrog, die gif van adders is onder hulle lippe. ¹⁴Hulle mond is vol vervloeking en bitterheid. ¹⁵Haastig is hulle voete om bloed te vergiet. ¹⁶Verwoesting en ellende is in hulle paaie, ¹⁷en die weg van vrede ken hulle nie. ¹⁸Daar is geen vrees van God voor hulle oë nie. ¹⁹Nou weet ons dat alles wat die wet sê, hy dit sê vir die wat onder die wet is, sodat elke mond gestop en die hele wêreld voor God doemwaardig kan wees; … (+8)Wys minder

²¹En die HERE het die lieflike geur geruik, en die HERE het in sy hart gesê: Ek sal die aarde verder nie meer vervloek ter wille van die mens nie, want die versinsels van die mens se hart is sleg van sy jeug af. En Ek sal verder nie meer al die lewende wesens tref soos Ek gedoen het nie.

¹⁹en as hy die woorde van hierdie eedswering hoor, homself dan in sy hart gelukkig prys deur te sê: Dit sal met my goed gaan alhoewel ek in die verhardheid van my hart wandel—om so die bewaterde saam met die dorstige weg te ruk!

¹⁶hoeveel minder die afskuwelike en ontaarde, die mens wat onreg drink soos water!

¹⁸’n hart wat onheilsplanne beraam, voete wat haastig na die kwaad toe loop,

²⁹Kyk, net dit het ek uitgevind: dat God die mens reg gemaak het, maar hulle het baie slim planne gesoek.

³Dit is ’n verkeerde ding by alles wat plaasvind onder die son, dat een en dieselfde lot almal tref, en ook die hart van die mensekinders vol boosheid is, en dat dwaasheid in hulle hart is gedurende hulle lewe; en daarna gaan dit na die dooies toe!

⁹Bedrieglik is die hart bo alle dinge, ja, verdorwe is dit; wie kan dit ken?

⁹Daarop sê Hy vir my: Gaan in, en kyk na die growwe gruwels wat hulle hier doen. … ¹²Toe sê Hy vir my: Het jy gesien, mensekind, wat die oudstes van die huis van Israel in die duisternis doen, elkeen in sy kamers met beeldwerk? Want hulle dink: Die HERE sien ons nie; die HERE het die land verlaat.

¹⁹Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.

²¹Want van binne, uit die hart van die mense, kom die slegte gedagtes, egbreuk, hoerery, moord, ²²diewery, hebsug, boosheid, bedrog, losbandigheid, afguns, lastering, hoogmoed, dwaasheid. ²³Al hierdie booshede kom van binne uit en maak die mens onrein.

¹EN julle het Hy lewend gemaak, wat dood was deur die misdade en die sondes ²waarin julle tevore gewandel het volgens die loop van hierdie wêreld, volgens die owerste van die mag van die lug, van die gees wat nou in die kinders van die ongehoorsaamheid werk, ³onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander.

³Want ons was ook vroeër onverstandig, ongehoorsaam, op ’n dwaalweg, verslaaf aan allerhande begeerlikhede en singenot; ons het in boosheid en afguns gelewe; ons was haatlik en het mekaar gehaat.