CrossReferences.org

Kruisverwysings Genesis 37:13

Toe sê Israel vir Josef: Pas jou broers nie die vee op by Sigem nie? Kom, laat ek jou na hulle toe stuur. En hy antwoord hom: Hier is ek!

Druk op ’n gekleurde frase om na sy verwysings te spring.

Lees Genesis 37:13 in konteks →

Kom

  1. 1 Samuel 17:17-20

    17Toe het Ísai aan sy seun Dawid gesê: Neem tog vir jou broers ’n efa van hierdie gebraaide koring en hierdie tien brode, en bring dit gou vir jou broers na die laer toe. 18Maar hierdie tien skywe kaas moet jy bring na die owerste oor duisend, en jy moet ondersoek doen na die welstand van jou broers en van hulle ’n pand saambring. 19En Saul en hulle en al die manne van Israel was besig om te veg teen die Filistyne in die dal van die terpentynboom. 20En die volgende môre vroeg het Dawid hom klaargemaak: die kleinvee aan die wagter afgegee en opgelaai en weggegaan soos Ísai hom beveel het. En toe hy by die wa-laer kom, hef die leërmag wat na die vegterrein uittrek, juis die krygsgeskreeu aan.

  2. Mattheüs 10:16

    16Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe.

  3. Lukas 20:13

    13Toe sê die eienaar van die wingerd: Wat sal ek doen? Ek sal my geliefde seun stuur; miskien sal hulle ontsag hê as hulle hom sien.

Hier is ek

  1. Genesis 22:1

    1NÁ hierdie dinge het God Abraham op die proef gestel en aan hom gesê: Abraham! En hy antwoord: Hier is ek!

  2. Genesis 27:1,18

    1TOE Isak oud geword het en sy oë swak was, sodat hy nie kon sien nie, het hy sy oudste seun Esau geroep en vir hom gesê: My seun! En hy het hom geantwoord: Hier is ek! … 18Toe kom hy by sy vader en sê: My vader! En hy antwoord: Hier is ek! Wie is jy, my seun?

  3. 1 Samuel 3:4-6,8,16

    4het die HERE na Samuel geroep; en hy het geantwoord: Hier is ek. 5Daarop loop hy na Eli en sê: Hier is ek, want u het my geroep. Maar hy antwoord: Ek het nie geroep nie; gaan slaap maar weer. Hy het toe geloop en gaan lê. 6Verder het die HERE Samuel weer geroep, en Samuel het opgestaan en na Eli gegaan en gesê: Hier is ek, want u het my geroep. Maar hy antwoord: Ek het nie geroep nie, my seun, gaan slaap maar weer. … 8En die HERE het Samuel weer geroep vir die derde maal; en hy het opgestaan en na Eli gegaan en gesê: Hier is ek, want u het my geroep. Toe merk Eli dat die HERE die seun geroep het. … 16En Eli het Samuel geroep en gesê: Samuel, my seun! En hy antwoord: Hier is ek.

  4. Efésiërs 6:1-3

    1KINDERS, julle moet jul ouers gehoorsaam wees in die Here, want dit is reg. 2Eer jou vader en jou moeder — dit is die eerste gebod met ’n belofte — 3sodat dit met jou goed mag gaan en jy lank mag lewe op die aarde.