Kruisverwysings Genesis 15:3

²En Ek sal jou ’n groot nasie maak en jou seën en jou naam so groot maak, dat jy ’n seën sal wees.

¹⁶En Ek sal jou nageslag maak soos die stof van die aarde, sodat as iemand die stof van die aarde kan tel, jou nageslag ook getel kan word.

¹²’n Uitgestelde hoop maak die hart siek; maar ’n wens wat uitkom, is ’n lewensboom.

¹REGVERDIG is U, o HERE, as ek met U sou twis. Tog wil ek oor regsake met U spreek: Waarom is die weg van die goddelose voorspoedig? Waarom lewe hulle rustig, almal wat ontrou bedrywe?

³⁵Werp dan julle vrymoedigheid, wat ’n groot beloning het, nie weg nie. ³⁶Want julle het lydsaamheid nodig, om, nadat julle die wil van God gedoen het, die belofte te verkry.

¹⁴Toe Abram hoor dat sy broer as gevangene weggevoer is, het hy sy geoefende manne wat in sy huis gebore is, laat uittrek, driehonderd-en-agttien, en hulle tot by Dan agtervolg—

²¹As ’n mens sy slaaf van jongs af verwen, word hy op die end ondankbaar.

²³onder ’n nie-geliefde as sy tog ’n man kry, en ’n slavin as sy haar meesteres uit die besitting verdrywe.

⁷Ek het slawe en slavinne gekoop en ook dié verkry wat in my huis gebore is; ek het ook ’n groot besitting van beeste en kleinvee gehad, meer as almal wat voor my in Jerusalem gewees het.