Kruisverwysings Genesis 11:7

⁵Toe daal die HERE neer om die stad en die toring te besien waaraan die mensekinders gebou het.

²⁶En God het gesê: Laat Ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip.

²²Toe sê die HERE God: Nou het die mens geword soos een van Ons deur goed en kwaad te ken. As hy nou maar nie sy hand uitsteek en ook van die boom van die lewe neem en eet en lewe in ewigheid nie!

⁸Daarop hoor ek die stem van die Here wat sê: Wie sal Ek stuur? En wie sal vir ons gaan? Toe antwoord ek: Hier is ek, stuur my.

¹²Hy wat die planne van listige mense verydel, sodat hulle hande niks kan uitrig wat standhou nie; ¹³wat die wyse manne vang in hulle listigheid, en die raad van die slinkse mense misluk van haastigheid.

²⁰Hy neem die spraak van die betroubare mense weg en beroof die ou mense van hul oordeel.

⁴Hy wat in die hemel woon, lag; die HERE spot met hulle.

¹⁰Die HERE vernietig die raad van die nasies, Hy verydel die gedagtes van die volke.

⁴En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek. ⁵En daar het in Jerusalem Jode gewoon, godsdienstige manne, uit elke nasie wat onder die hemel is. ⁶En toe hierdie geluid kom, het die menigte saamgestroom en was in die war, want elkeen het gehoor hoe hulle in sy eie taal spreek; ⁷en hulle was almal verbaas en verwonderd en sê vir mekaar: Is almal wat daar spreek, dan nie Galileërs nie? ⁸En hoe hoor ons hulle, elkeen in ons eie taal waarin ons gebore is? ⁹Parthers en Meders en Elamiete en die inwoners van Mesopotámië, Judéa en Kappadócië, Pontus en Asië, ¹⁰Frígië en Pamfílië, Egipte en die streke van Líbië by Ciréne, en Romeine wat hier vertoef, Jode en Jodegenote, ¹¹Kretense en Arabiere — ons hoor hulle in ons eie taal oor die groot dade van God spreek. … (+5)Wys minder

⁵uit hulle het verdeeld geraak die kuslande van die nasies, in hulle lande, elkeen na sy taal, volgens hulle geslagte, in hulle nasies. … ²⁰Dit was die seuns van Gam volgens hulle geslagte, na hulle tale, in hulle lande, in hulle nasies. … ³²Dit is die geslagte van die seuns van Noag volgens hulle afstamming, in hulle nasies; en uit hulle het die nasies op die aarde hulle verdeel ná die vloed.

²³En hulle het nie geweet dat Josef dit verstaan nie, want daar was ’n tolk tussen hulle.

⁴⁹Die HERE sal teen jou ’n nasie bring van ver, van die einde van die aarde af, soos ’n arend vlieg—’n nasie wie se taal jy nie verstaan nie,

¹⁰Verwar, Here, verdeel hulle spraak, want ek sien geweld en twis in die stad.

¹⁵Kyk, Ek bring oor julle ’n nasie van ver af, o huis van Israel, spreek die HERE; ’n eeue-oue nasie is dit, ’n nasie van ouds af, ’n nasie waarvan jy die taal nie ken en jy nie verstaan wat hulle praat nie.

²Want hy wat in ’n taal spreek, spreek nie tot mense nie, maar tot God; want niemand verstaan dit nie, maar deur die Gees spreek hy verborgenhede. ³Maar hy wat profeteer, spreek tot die mense woorde van stigting en troos en bemoediging. ⁴Hy wat in ’n taal spreek, stig homself; maar hy wat profeteer, stig die gemeente. ⁵Ek wens dat julle almal in tale spreek, maar nog liewer dat julle profeteer. Want hy wat profeteer, is groter as hy wat in tale spreek, of hy moet dit uitlê, sodat die gemeente stigting kan ontvang. ⁶Maar nou, broeders, as ek na julle kom en in tale spreek, tot watter nut sal ek vir julle wees as ek nie met julle spreek òf deur ’n openbaring, òf deur kennis, òf deur profesie, òf deur lering nie? ⁷Net soos met lewelose dinge wat ’n klank gee, ’n fluit of ’n siter, as hulle nie ’n onderskeid in toon laat hoor nie, hoe sal ’n mens weet wat op die fluit of siter gespeel word? ⁸Want as die basuin ook ’n onduidelike klank gee, wie sal klaarmaak vir die oorlog? ⁹Net so julle ook, as julle met die tong geen verstaanbare woord uitbring nie, hoe sal ’n mens weet wat gespreek word? Want julle sal wees soos mense wat in die wind praat. ¹⁰Daar is wie weet hoeveel soorte tale in die wêreld, en geeneen daarvan is sonder klank nie. ¹¹As ek dan die betekenis van die klank nie ken nie, sal ek vir die spreker ’n vreemdeling wees, en die spreker sal vir my ’n vreemdeling wees. … ²³As die hele gemeente dan saam vergader het en hulle sou almal in tale spreek en daar kom onkundiges of ongelowiges binne, sal hulle nie sê dat julle kranksinnig is nie? … (+8)Wys minder