Kruisverwysings Genesis 10:2

Die seuns van Jafet was: Gomer en Magog en Madai en Jawan en Tubal en Meseg en Tiras

1. Genesis 10:21

   ²¹En ook vir Sem, die stamvader van al die seuns van Heber, die ouer broer van Jafet, is seuns gebore.

2. 1 Kronieke 1:5-7

   ⁵Die seuns van Jafet was: Gomer en Magog en Madai en Jawan en Tubal en Meseg en Tiras. ⁶En die seuns van Gomer was: Áskenas en Rifat en Togárma. ⁷En die seuns van Jawan was: Elísa en Tarsísa, die Kittiërs en Rodaniete.

3. Jesaja 66:19

   ¹⁹En Ek sal ’n teken onder hulle doen, en vrygeraaktes uit hulle stuur na die nasies, na Tarsis, Pul en Lud, wat die boog span, na Tubal en Jawan, na die ver kuslande wat my tyding nie gehoor en my heerlikheid nie gesien het nie; en hulle sal my heerlikheid onder die nasies verkondig.

4. Esegiël 27:7,12-14,19

   ⁷Veelkleurige fyn linne uit Egipte was jou seil, om vir jou as vlag te dien; pers en purper stowwe uit die kuslande van Elísa was jou hutbedekking. … ¹²Tarsis het handel gedrywe met jou weens die menigte van allerhande goed: silwer, yster, tin en lood het hulle as handelsartikels aan jou gelewer. ¹³Jawan, Tubal en Meseg, hulle was jou koopmans; slawe en kopergoed het hulle as koopware aan jou gelewer. ¹⁴Uit die huis van Togarma het hulle perde en ryperde en muilesels as handelsware aan jou gelewer. … ¹⁹Wedan en Jawan het uit Usal aan jou smee-yster as handelsartikel gelewer; kassie en kalmoes was onder jou koopware. … (+2)Wys minder

5. Esegiël 38:2,6,15

   ²Mensekind, rig jou aangesig teen Gog, in die land Magog, die vors van Ros, Meseg en Tubal, en profeteer teen hom … ⁶Gomer en al sy leërs, die huis van Togarma, in die uithoeke van die Noorde, en al sy leërs—baie volke saam met jou. … ¹⁵Dan sal jy kom uit jou woonplek, uit die agterhoeke van die Noorde, jy en baie volke saam met jou wat almal op perde ry, ’n groot menigte en ’n magtige leër;

6. Esegiël 39:1

   ¹EN jy, mensekind, profeteer teen Gog en sê: So spreek die Here HERE: Kyk, Ek het dit teen jou, o Gog, vors van Ros, Meseg en Tubal.

7. Openbaring 20:8

   ⁸en hy sal uitgaan om die nasies te verlei wat in die vier hoeke van die aarde is, die Gog en die Magog, om hulle te versamel vir die oorlog; en hulle getal is soos die sand van die see.